Ushbu maqolada o‘quvchilarning tasviriy san’at ko‘nikmalarini shakllantirishda 3D modellashtirish, 3D bosib chiqarish hamda virtual uch o‘lchamli muhitlardan foydalanishning didaktik imkoniyatlari tahlil qilingan. 3D texnologiyalari tasviriy obrazni hajmli shaklga aylantirish, kompozitsion yechimni turli rakurslarda ko‘rish, proporsiya va fazoviy munosabatlarni anglash, ijodiy g‘oyani raqamli modeldan moddiy obyektgacha olib borish imkonini berishi asoslangan. Ilmiy manbalarni qiyosiy tahlil qilish asosida 3D texnologiyalaridan
foydalanishning besh bosqichli didaktik modeli taklif etildi: g‘oyani 2D eskizlash, 3D modellashtirish, virtual tahlil, 3D bosib chiqarish va refleksiv baholash. Model o‘quvchilarda tasviriy, fazoviy, ijodiy hamda raqamli-amaliy ko‘nikmalarni integrativ rivojlantirishga yo‘naltirilgan. Shuningdek, texnik ta’minot, o‘qituvchining raqamli kompetensiyasi, vaqt va dasturiy vositalarni o‘zlashtirish bilan bog‘liq cheklovlar ham ko‘rsatib berilgan.